CoMet 2.0 Ukiuqtaqtuq

Hila aallannguqpalliayumi atauhiuyuq inuuhiptingnit ayuqhautauyuq 21st century-mi. Uqquuhivaalliutaulluaqtuq taamna nauttivingnit tipiit Nunaqyuam avatiinit. Malruuyut aghuurnatqiyauyut taapkunanngat ingattaqpaalliqpaktut inuit hulilukaaqtunit taimaa carbon dioxide-mik (CO2) methane-lu (CH4). Kihimi inungniinnaq hulilukaaqtunit ingattautinngittuq kihimi pitquhiuyut pivighat taamnatut kinipaumayut nunait Ukiuqtaqtumi napaaqtulgillu aghuurnatqiyauyut. Kinipaumayumi nauyut milukaqpagaat tutquumavaghugillu carbon hururaangallu anialattivaktuq CO2-mik CH4-miklu. Taimaa nunaqyuami kinipaumayut nunait aghuuqtauvaktut ilihimayauttianngittutiklu atuqpaghutiklu nunaqyuami methane-mut CO2-mullu manighautinik. Qauhimaniit hapkua havauhirnik, anginiit akihaqtuqhugit inungnit-puyulaqutihimayut, taimaalu tuhaqvigiyaamik havauhiit huli ilihimayaunngittut ihuaqtukkut ihuaqhaiyaamik ihariagiyaita ayuqnaqtunik qauyihaiplutik maligaliuqtiniklu naahuriyaamik ihuaqhaiyaamiklu Hilavut uqquuhivalliayumi.

Talvuuna, qauyihaivangniat nauttivingnit tipinik hilami iharianaqtutut talvuuna puyuit naunaittiariamik. Havaktillutik CoMet 2.0 Ukiuqtaqtumi, taimaa havangniaqhimayugut qauyihailutik tingmiakkut ingilrutilingmik ungahiktumit paqittiniqmik iliuraqtauyughaniklu ingilrutinik paqittiyaamik nauttivingnit tipinik hilami.

CoMet 2.0 Ukiuqtaqtuq nunaqyuami qauyihaiyiuyut hivuliqtiqaqhutik Germany-mi Hilaliqiyit Havakvianit – DLR, Germany-mi kavamatkut timiqutigiyaat, atuqniaqhimaplutik German-kut qauyihaiyit tingmianganik HALO (Qulvahighivaktuq, Ungahiktuliayuktuqlu tingmiaq), hanayauhimayuq Gulfstream G550.

6-nik Santinik maniraqmi havaktughat August 6-mit September 16-mut, 2022-mi, Edmonton, Alberta-mit havaklutik. 120 ikaaqninik tingmivangniat inuit manighautainit tingmivangniaqhutik amihunit aviktuqhimayunit. Qaffiiqlutik tingmivangniat Nunavunmut. Mihingnautit avatinut, anngutighanut, inungnullu ikittuuniaqtut. Amihuuyut tingmivighaat qulvahiktumik qaffiuyunik km-nik. Ikittuuniaqtullu, atpakittumik nuna qaklilugu tingmivangniat kihimi munaqtauhimayut nayukkat tikittailinahuaqtait. Qauyihautait ihuaqhiyaamik ingilrutainit, qaffinik hilahiutinik qauyihautinik aullaqtittivangniat tingmiaqmit pitqiktailiyauniatlu. Taapkua aajjikkutariyait hilahiutit puviqtautit hapkutitauvaktut 60-nik upluq tamaat Kanatami tamaat amirnaittuqanngittutik.

Taamna CoMet 2.0 Ukiuqtaqtuq qauyihaiyit havaaghait iniqtauliqtut angmaumayutut qauyihaiyit havaaghait ikayuqhugit nunaqyuami nunallaat. Inungnit manighaqhimagamik, tamangnik naunaitkutat inungnut hailiyauhimayughat. Talvuuna havaagharnut, HALO-mik tutquumavilgit tutquumayaamik munariyaamiklu naunaitkutat aallatqiingniklu angitqiyanik tutquumavingnik Ukiuqtaqtumi qauyihaiyinut talvunga nanminiqnut ilittuqhitiniaqtuq. Quviahuinnaqniaqtugut inungnik takupkaiyaamik qauyihaqtaptingnik tuhaqvigiyumainnaqhugillu nunaqaqqaaqhimayut ukiuqtaqtumiullu nunallaat ilihimayumayunik qauyihautiptingnik pitquyauhimayunikluuniit irininaqtunut qauyihautighanut.